نكت جميلة

بسم الله الرحمن الرحيم:
السلام عليكم ورحمة الله وبركاته

1
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت




2
مسموم قطعات ليه الدولة النص ديال المانضة ديالو كتبرع للانتفاضة، ناض تبرع بالنص التاني لإسرائيل





3
هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟





4
واحد الساط شابع عياقة كان دايز من حدا عيادة ديال شي طبيب عاد حل هوا يقرا فواحد لافيش (علاج جميع الأمراض ب5000 درهم و إذا لم نعالجك نعيد لك مالك مضاعفا) هوا يطمع....

قال معا راسو مايمكنش هادا كاع جن لهاد الدرجة ولله تاندخل أو نشوف شنو القالب أو نيت ندبر مصيريف .... المهم دخل خلص 5000 درهم فالاستقبال أو دخل عند الطبيب سولو شنو عندك قالو مشاتلي الحاسة د الشم. الطبيب عيط للممرضة: طامو جيبي القرعة رقم 23. جابتهلو أو عطاها لصاحبنا شمها أو قال خخخخخخخ خانزة!! ...
قالو الطبيب نوض على سلامتك هانتا بريتي... صاحبنا ماتسرطاتلوش قال ولله تا نرجع عندو. المهم دبر ف5000 درهم عاوتاني أو رجع عندو خلص كالعادة أو دخلو قالو مالك عاوتاني!!! قالو طحت على راسي أو فقدت الذاكرة... الطبيب عيط للممرضة: طامو القرعة رقم 23 هوا ينطق صاحبنا قال هاذيك الخانزة ديال ديك المرة!!!!قالو الطبيب إوا نوض على سلامتك





5
واحد المكلخ كان مردة ولى بوليسي عطاوه السلاح والمينوط مشى فرحان للدار

كي دخل عند مراتو بغا يضحك معاها وفي نفس الوقت يفوح عليها ركب ليها المينوط ..

ضحك معها وسالا و المنوط مبغاش يتحل ليه عيا معاه والو ، في الصباح داها معاه للكوميسارية قالو ليه مالك ؟

قال ليهم لقيتها سكرانة